Best lesson plan using creative strategy with the complete set of materials

Reflection on Best Lesson Plan used.

The best lesson plan that I use is my lesson plan on my demonstration. I really prepare for this demonstration and I make sure that everything will be fine. For my motivation I choose Puzzle analysis. Student are going to complete every missing piece of the puzzle when they are finish, they need to analyze the picture and discuss its relationship with gender roles in the Philippines.    I want to develop my student critical thinking and organizing ideas in their own. It will also help them to solve problem and find the missing link in the puzzle. Aside from it they can also connect their previous knowledge on the present topic or lesson. This activity will also enhance how they will cooperate and work as a team. Another this activity will also set their mind to answer problems and question on time. For their evaluation they need to present a tableau that will show the situation of women and men in the Philippines during different times in the History.  First group present the privilege that man have during the pre-colonial era. Example man has a higher opportunity to be place in higher position in the society like being a datu. On the other hand women also gain respect and higher value during that time like the “ Binukot” and “babaylan” .This activity will demand the whole body of the student. They need to use their mind to think for the situation that they are going to portray. They need their kinesthetic skills to present and portray the situation. This activity will also boost their confidence to deal with other people. In conclusion you need to include every aspect of your student to ensure that what they learn will last longer.

I am really happy about the feedback that I got from my student, cooperating teacher and supervisor. It’s a great achievement for me as a student teacher but a sweet beginning in my journey as a real teacher. I am overwhelmed about their comment and I will surely cherish their advice in my heart and in my mind but for now I just want to enjoy every single minute remaining in my time as a student teacher. I will truly treasure every moment that happen in my cooperating school. The advice of my supervisor, cooperating teacher and head teacher will always be my sword and shield in the new battle that I am going to face as a professional teacher. I know I have a lot of things to learn and to experience for me to be a better teacher. Therefore I will do everything to be a successful teacher that will lead the next generation in peace and prosperity.

               College of Education             

Bulacan State University

Malolos, Bulacan

Lolomboy National High School

 Bunducan Bocaue, Bulacan

MASUSING BANGHAY ARALIN SA ARALING PANLIPUNAN

Ika- 10 Baitang

KONTEMPORARYONG ISYU

Inihanda ni:

ABIGAIL G. CO

BSED- SOCIAL STUDIES

Binigyang Pansin ni:

Gng. ELEONOR C. SIBUNAL

 Cooperating Teacher

BANGHAY ARALIN SA ARALING PANLIPUNAN IKA-10 BAITANG

 ( KONTEMPORARYONG ISYU)

Gender Role sa Pilipinas

I.                   LAYUNIN:

Sa pagtatapos ng aralin ang mga mag-aaral ay inaasahang:

1.   Nasusuri ang gender role sa Pilipinas sa iba’t-ibang panahon.

2.      Nakagagawa ng representasyon ng katangian, kilos, gampanin at katayuan ng babae at lalaki sa iba’t-ibang panahon sa kasaysayan ng ating bansa.

3. Napahahalagahan ang pantay na pagtingin sa kababaihan at kalalakihan sa ating lipunan.

II.                PAKSANG ARALIN

·         Aralin I : Gender Roles sa Pilipinas

·         Sanguniang Aklat : Learning Module Araling Panlipunan Ika-10 baitang

·         Modyul pahina 265-269

·         https://tl.wikipedia.org/wiki/Kababaihan_sa_Pilipinas

·         https://www.youtube.com/watch?v=LqUsd2URcjo

·         https://www.youtube.com/watch?v=RbH2a-2t30o

·         Materyales :

1.      ½ Manila paper o 1 cartolina

2.      Marker

3.      Laptop

4.      Projector

5.      Chalk

6.      ¼ sheet of paper

7.      Colored paper

III.             PAMAMARAAN:

Gawain ng Guro

Gawain ng Mag-aaral

A.    Panimulang Gawain 1.      Pagbati Magandang umaga sa inyong lahat mga bata! Nawa ay nasa maayos lahat ang inyong kalagayan…. 2.      Panalangin : Ngayon bago tayo mag simula inaatasan ko ang isang mag-aaral mula sa klase na pangunahan tayo sa panalangin. 3.      Pagtatala ng liban Guro: Mayroon bang lumiban sa ating klase ngayon? 4.      Balik Aral Aralin I. Konsepto ng kasarian at sex. Bilang pagbabalik sa ating mga natalakay : 1. Ano ang pagkakaiba ng konsepto ng Sex at Gender? 2. Ano ang iba’t- ibang uri ng Oryentasyong seksuwal?                 5.  Motibasyon: Motibasyon: Puzzle analysis! Panuto: Ang klase ay hahatiin sa limang grupo. Ang bawat grupo ay bibigyan ng piraso ng mga gulo-gulong larawan na kinakailangan nilang ayusin para tuluyang mabuo ang larawan. Ang bawat grupo ay magpapabilisan na mabuo ang larawan.  Lahat ng grupo na tapos na sa kanilang gawain ay inatasang ididikit sa pisara ang kanilang nabuong larawan. Suriin ang larawan at magbigay ng mga katangian o gampanin ng mga babae at lalaki na sa inyong palagay ay inaasahang makita sa kanila ng ating lipunan? Guro:  Mahusay mga bata, Sa kabuohan o karamihan ganyan tignan ng lipunan ang mga babae at lalaki. Kung saan ang mga kababaihan ay limitado lamang sa mga gawaing pantahan samantalang ang mga kalalakihan ay kailanagang gampanan ang mga gawain na may kinalaman sa pagbibigay ng proteksyon sa kanyang pamilya at sa pagkakaroon ng ikabubuhay.         Ngunit ito pa rin nga ba ang pagtingin ng ating Lipunan sa babae at lalaki sa kasalukuyan? Ang tanong na ito ay masasagot natin habang Lumalalim ang ating talakayan? Sa bahaging ito ng aralin ay matutunghayan kung ano ang katayuan at gampanin ng babae at lalaki sa iba’t-ibang panahon ng kasaysayan ng ating bansa.

Mag-aaral: Magandang umaga din po !  Maam Abi Mag-aaral : Iyuko natin ang ating  ulo, ipikit ang ang ating mga mata at damhin natin ang presensya  ng ating Panginoon, Ama naming na makapangyarihan sa lahat salamat po sa araw na ito. Bigyan nyo po kami ng katalinuhang nanggagaling sa inyo pagpalain nyo po ang aming talakayan. Kayo din po ang magbigay ng karunungan sa aming guro upang matulungan nya kami na maunawaan ng malalalim ang aming aralin. Salamat po Amen . Monitor; Sagot ng Mag-aaral; ·          Maam, ang sex po ay tumutukoy sa pagkakaiba ng kasarian na nakabase sa pisikal at biolohikal na kalagayan ng isang indibidwal ang gender naman po ay tumutukoy sa gampanin na itinakda ng lipunan. ·         Maam, may tinatawag po tayong homosexual at heterosexual. ·         Maam, may mga tao rin po na kabilang sa LGBT ( Lesbian, Gay, Bisexual at Transgender. Sagot ng mag-aaral: ·         Maam, ang mga kababaihan po ay inaasahang maging tagapag-aruga ng kanilang mga anak. ·         Maam, ang mga kalalakihan naman po ay inaasahang maging tagapagtangol ng kanilang pamilya laban sa mga kaaway. ·         Maam, ang mga kalalakihan po ay malakas at matapang.

B.     Paglinang ng Aralin
1.      Ano nga ba ang Gender Role? Guro: Tama kayo mga bata,  Ang gender role ay tumutukoy sa kilos, gampanin at gawain na itinatakda ng lipunan sa babae at lalaki. Ang ibig sabihin nito kung ikaw ay ipinanganak na lalaki ang mga katangiang pisikal mo ay panlalaki. Ikaw ay may testicles at ang hormones mo ay panlalaki. Ang lipunan ay may hinahangad o inaasahan na karapat-dapat na kilos para sa iyo. Hal. Dahil ikaw ay lalaki inaasahan kang maging malakas ka at mamuno sa digmaan.	Sagot ng mag-aaral: ·         Maam, Ito po ay tumutukoy sa gampanin na ibinibigay natin sa babae at lalaki. ·         Maam, ito po ay ang pagtingin o katangian na ikinakabit ng isang lipunan sa kababaihan at kalalakihan.
2.      Magbigay ng mga katangian, gampanin, gawain ng mga kalalakihan bago ang panahon ng pananakop sa ating bansa? Guro:  Mahusay mga bata! Sa katunayan karamihan sa mga naging pinuno ng mga bayan at maliliit na pamayanan ay mga lalaki. Masasalamin natin dito na ang ating lipunan ay may mataas na pagtingin sa mga kalalakihan noon.	Sagot ng Mag-aaral ·         Maam, Ang mga kalalakihan po ng panahon na iyon ay malakas at sila din po ang madalas na kasama sa mga digmaan. ·         Maam, ang mga kalalakihan po noon ay inaasahan sa mabibigat at mapangnanib na mga trabaho tulad ng pasisisbak ng kahoy at pangangaso.
3.      Magbigay ng halimbawa ng mga hanapbuhay ng mga kalalakihan noon? Guro: Very Good!  Kung mapapansin ang hanapbuhay noon ng mga lalaki ay nakatuon sa mga bagay na nangangailangan ng pisikal na lakas.	·         Sagot ng mag-aaral: ·         Maam, sila po ay mga mangangaso. ·         Maam, sila po ay mga mangingisda. ·         Maam, nagsisibak po ng kahoy.
4.      Ano naman ang katangian o gampanin ng mga kababaihan bago ang panahon ng pananakop sa ating bansa? Guro: Magaling mga bata!  Tunay na pinapahalagahan ang mga kababaihan noon mayroon din silang karapatan na mag may-ari ng mga ari-arian at maging pinuno kung walang lalaking magmamana kapalit ng dating datu. Mataas ang pagtingin ng lipunan sa mga kababaihan dahil sila ang kadalasang namumuno sa mga ritwal at mga gawaing espiritwal na pinapahalagahan ng mga Pilipino noon.	Sagot ng Mag-aaral: ·         Maam, ang mga kababaihan po ng panahon na iyon ay tumatanggap ng mataas   na paggalang mula sa lipunanan na kanilang ginagalawan. ·         Maam itinuturi rin po silang mga prinsesa. ·         Maam, Sila po ay pwedeng  maging babaylan.
5.      Sa inyong palagay mayroon bang di pagkakapantay sa pagtingin at sa karapatan ng mga lalaki at babae noon? Guro: Tama!  Makikita natin na makapangyarihan din ang mga babae sa panahong ito ngunit hindi pa rin natin maiaalis na ang mga kalalakihan ay nagtatamasa ng mas malaking kapangyarihan at maraming karapatan kumpara sa mga kababaihan. Ayon sa datos pang-kasaysayan ang mga kababaihan sa Pilipinas maging sa pinakamataas na uri o pinakamababa ay pagmamay-ari ng kanyang asawa. Bukod pa rito ayon sa boxer codex ang mga lalaki ay pinapagayang magkaroon ng maraming asawa at maaaring patayin ng asawang lalaki ang kanyang asawa kapag nakita niya itong kasama ng ibang lalaki.	Sagot ng mag-aaral: ·         Maam, mayroon din po, dahil kadalasan po lalaki po ang namumuno sa pamayanan. ·         Maam, sa aking palagay po mas mataas po ang pagtingin sa kalalakihan kaysa sa kababaihan noon.
6.      May nakaka-alam ba sa inyo kung ano ang Boxer Codex? Guro: Mahusay mga bata!              Ang Boxer Codex ay isang dokumento o manuskrito na tinatayang ginawa noong 1595 naglalaman ito ng mga mahahalagang impormasyon tungkol sa pamumuhay ng mga Pilipino noon. Nakapaloob dito ang obserbasyon tungkol sa buhay at kultura ng mga grupong nakatira sa Pilipinas noong panahon na iyon. Napakaimportanteng dokumento ng Boxer Codex dahil naglalaman ito ng mga larawang-guhit ng kasuotan ng mga grupo sa Pilipinas bago pa man naging malawak ang impluwensya at pananakop ng mga Kastila. Ito ay pagmamay-ari ni Luis Perez Dasmarinas, ang gobernador heneral ng Pilipinas noong 1593-1596.	Sagot ng Mag-aaral ·         Maam, ito po ay isang sulatin na nagpapakita ng ating pamumuhay noon. ·         Maam, ito po ay naglalaman ng mga mahahalagang impormasyon sa pamumuhay ng mga katutubo noong panahon ng espanol.
7.      Suriin ang mga sumusunod na pangungusap:     “Filipinas are brought up to fear men and some never escape the feeling of inferiority that upbringing creates.” Guro:             Karaniwan na pinapalaki ang mga kababaihan sa ating lipunan na mahina at ang mga kalalakihan lamang ang malakas. Ito ay nagiging dahilan na hanggang sa paglaki ng mga kababaihan iniisip pa rin nila na mahina sila kaysa sa mga kalalakihan at kinakailangan ang tulong nila para mabuhay.	Sagot ng mag-aaral: ·         Maam, sinasabi po ng pangungusap na ito na ang mga kababaihan sa ating lipunan ay pinalaki na katakutan ang mga kalalakihan at hindi na nakakatakas sa ganitong kaisipan ang iba.
8.      Sa inyong palagay si Maria Clara ba ay sumasalamin sa gampanin at katangian ng mga kababaihan noong panahon ng mga Kastila? Guro: Good Job! Sa panahon ng mga kastila hinubog ang mga kababaihan na maging tulad ng birheng Maria na kilala bilang mahinhin, mabuti ang kalooban, mapagbigay at mapanalanginin kaya ang deskripsyon sa babae noon ay Maria Clara. Ang ganitong pananaw ay dala ng mga paniniwala ng mga espanol na tinitignan na ang kababaihan ay mas mababa kaysa sa mga kalalakihan. Ayon sa paglalarawan ni Emelina Ragaza Garcia, sa kanyang sinulat na akdang The Position of Women in the Philippines. Ang gampanin ng mga kababaihan sa panahon ng pananakop ng mga kastila ay nakapokus na lamang sa pagiging mabuting ina, mga gawaing pantahanan at sa gawain sa pananampalataya o simbahan. Ito ay dahil sa paniniwalang kristyanismo na si Eva ay mula sa hinugot na tadyang ni Adan. Ang kanilang edukasyon ay nasa pamamahala ng mga pari at madre. Kaya naman naging mahigpit ang lipunan sa katayuan at kilos ng mga kababaihan.	Sagot ng mag-aaral: ·         Maam, sumasang ayon po ako na si Maria Clara ay sumasalamin sa mga gampanin ng mga kababaihan ng panahon ng mga Espanol. ·         Maam, pwede pong hindi kasi po di naman po lahat ng mga babae noon ay mahinhin.
9.      Sino ang mga lalaking may malaking ginampanan noong panahon ng himagsikan? Guro: Ang ibig sabihin nito malaki ang ginampanan ng mga kalalakihan sa pakikipaglaban para sa kasarinlan ng  ating bansa.	Sagot ng mag-aaral: ·         Maam, si  Dr. Jose Rizal po ·         Maam, si Andress Bonifacio po ·         Maam, si Emilio Aguinaldo po
10.  Magbigay ng mga Pilipina na may naiambag o nagpakita ng kabayanihan sa panahon ng rebolusyon ayon sa video na inyong napanood? Guro : Magaling mga bata hindi lamang puro kalalakihan tulad nila Andres Bonifacio at Jose Rizal ang nakipaglaban ng panahon  ng himagsikan ang mga kababaihan din sa ating lipunan ay gumawa din ng hakbang upang makalaya sa mga kastila, nariyan pa si Gregoria De Jesus, Marina Dizon at marami pang iba. Ito ay nagpapakita na ang mga kababaihan ay may malaki ding ginampanan sa ating lipunan.	·         Maam si Gabriela Silang na asawa po ni Diego Silang ipinagpatuloy niya po ang nasimulang laban ng kanyang asawa. ·         Maam si Melchora Aquino po. ·         Maam Tulad po ni Trinidad Tecson.
11.  Bakit sinasabing ang panahon ng Amerikano ang nagdala ng ideya ng kalayaan, karapatan, at pagkakapantay-pantay sa Pilipinas. Guro: Magaling mga bata sa pagdating ng mga Amerikano ipinagkaloob sa mga kababaihan ang kapangyarihan makaboto. Sa panahong ito unti-unting  lumalawak ang karapatan ng mga kababaihan.	Sagot ng mga-aaral: ·         Maam, sa pagdating po ng mga Amerikano mas lumawak po ang kaisipan ng mga Pilipino at nabigyan ng pagkakataon ang mga kababaihan na makapag-aral . ·         Maam, nabuksan po ang isipan ng mga kababaihang Pilipino na hindi lamang limitado ang kanilang gawain sa gawaing bahay.
12.  Bakit mahalaga para sa isang tao ang karapatan na makaboto? Guro:  Nice Job! Noong Abril 30, 1937 ang kakayahan na makaboto ay ibinigay sa mga kababaihan sa ating bansa. Mahalaga ang karapatan na bumoto para sa isang tao kahit lalaki man o babae dahil ito ay sumisimbolo sa pagkakaroon ng boses at kapangyarihan sa lipunan at pamahalaan.	Sagot ng mag-aaral ·         Maam, dahil po isa malaking  kapangyarihan ang makaboto. ·         Maam, sapagkat ang tao na may kakayahan na bumoto ay sinasabing may silbi sa lipunan
13.  Ano ang mga pang-aabuso na dinanas ng mga lalaki at babae sa panahon ng pananakop ng mga Hapones? Guro: Mahusay!  Sa panahon na ito maraming pang-aabuso ang nangyari sa kababaihan at kalalakian ng ating lipunan. Ito ang naging dahilan ng samasama nilang pagtutulungan upang makamit ang kalayaan mula sa mga mapang-abusong  dayuhan.	Sagot ng Mag-aaral: ·         Maam, sa pahanon pong ito ay muli na naman pong nawalan ng kakayahan at kapangyarihan ang mga kababaihan sa lipunan. ·         Marami din pong mga  kalalakihan ang napatay ng panahong ito. ·         Marami po sa mga kababaihan ang naging comfort women. ·         Maam, nagtulong po ang mga kababaihan at kalalakihan maging ang buong bansa natin para makalaya sa mga Hapones.
14.  Sa inyong palagay ang pagtingin ba ng ating lipunan sa mga kababaihan at kalakihan noong unang panahon ay parehas pa rin sa kasalukuyan? Guro:            Tama mga bata, sa kasalukuyan totoo na marami nang karapatan ang naipagkaloob sa mga kababaihan. May mga pagkakataon din na halos nagkakapalit na ang dating gawain ng mga lalake at babae. Hal. Ang mga babae ay pinapayagan na rin na maghanap buhay para sa kanilang pamilya. Mayroon din na mga pagkakataon na halos nagpapalit na ang gampanin ng mga kababaihan at kalalakihan sa ating lipunan. Malalayo na nga ang narating ng ating bansa patungo sa pantay na pagtingin sa kasarian ng isang nilalang. Bilang pagtatapos matuto tayong igalang ang karapatan ng bawat isa at gampanan natin ng tama ang pagiging mabuting mamamayan ng ating bansa anuman ang ating kasarian.	Sagot ng mag-aaral: ·         Maam, sa panahon po siguro ngayon naging hindi na masyadong mahigpit ang mga pamantayan sa mga kababaihan. ·         Maam, sa mga kalalakihan naman po ay katulad pa rin po sa dating panahon ngunit uso na rin po ang tinatawag nating house husband kung saan ang mga kalalakihan din po ang naiiwan na mag-alaga ng kanilang mga anak at gumawa ng mga gawaing bahay.

C.     PAGLALAGOM

1.      Bakit mahalaga ang pantay na pagtingin at karapatan para sa mga kababaihan at kalalakihan sa isang lipunan?

2.      Sa paanong paraan mo maipaglalaban o maipapakita ang pantay na pagtingin para sa lahat?

D.    PAGLALAPAT

Panuto: Hatiin ang klase sa 5 grupo na may 7-10 na miyembro. Ang bawat grupo ay magprepresenta ng kilos, katayuan at gampanin ng mga kababaihan at kalalakihan sa ibat-ibang panahon na ating natalakay sa pamamagitan ng tableau. Ang bawat grupo ay bibigyan ng 2 minuto upang ipaliwanag ang kanilang ipinakitang senaryo.

I.                   Unang grupo sa pahanon bago ang panankop ng mg dayuhan.

II.                Ikalawang grupo sa pahanon ng pananakop ng mga Espanol.

III.             Ikatlong grupo sa pahanon ng pananakop ng mga Amerikano.

IV.             Ikaapat na grupo sa pahanon pananakop ng mga Hapones.

V.                Ikalimang grupo sa kasalukuyan.

Ang mga sumusunod ang pamantayan sa gawain:

Rubrics

Marka	Pamantayan
11-15	Ang paglalarawan o representasyon ng gampanin, kilos, katangian at katayuan ng kababaihan at kalalakihan sa iba’t-ibang panahon ay mahusay na naisalarawan. Malinaw na naipahayag ang mga gampanin ng mga lalaki at babae sa lipunan ng Pilipinas sa bawat panahon sa kasaysayan ng ating bansa. Ang bawat miyembro ng grupo ay nagkaroon ng gampanin sa presentasyon. Ang pagbuo ng ideya sa gagawing representasyon ay masusing pinag-isipan at tahimik na naisagawa.
6-10	Ang paglalarawan o representasyon ng gampanin, kilos, katangian at katayuan ng kababaihan at kalalakihan sa iba’t-ibang panahon ay hindi masyadong mahusay na naisalarawan. Hindi masyadong malinaw na naipahayag ang mga gampanin ng mga lalaki at babae sa lipunan ng Pilipinas sa bawat panahon sa kasaysayan ng ating bansa. Mayroong 1-2 miyembro ng grupo ang hindi nagkaroon ng gampanin sa presentasyon. Ang pagbuo ng ideya sa gagawing representasyon ay pinag-isipan at tahimik na naisagawa.
1-5	Ang paglalarawan o representasyon ng gampanin, kilos, katangian at katayuan ng kababaihan at kalalakihan sa iba’t-ibang panahon ay hindi mahusay na naisalarawan. Hindi malinaw na naipahayag ang mga gampanin ng mga lalaki at babae sa lipunan ng Pilipinas sa bawat panahon sa kasaysayan ng ating bansa. May 3 pataas na miyembro ng grupo ang hindi nagkaroon ng gampanin sa presentasyon. Ang pagbuo ng ideya sa gagawing representasyon ay hindi masusing pinag-isipan at hindi tahimik na naisagawa.

IV.             PAGTATAYA

I.                   Panuto: Tukuyin kung saang panahon ( bago ang pananakop, pananakop ng Kastila, Amerikano, Hapones o sa kasalukuyan) nakapaloob ang sumusunod na kilos, katangian at gampanin na ipinapahayag ng bawat pangungusap.  

________1. Ang isyu sa pagboto ng mga kababaihan sa Pilipinas ay naayos sa pamamagitan ng isang plebisito na ginananap noong Abril 30, 1937.

________2. Ang mga lalaki ay maaring kitilin ang buhay ng kanyang asawang babae kapag nahuli niya itong kasama ang ibang lalaki.

________3. Ang mga kababaihan ay inaasahan na maging mahinhin at mapanalanginin.

________4. Ang mga kalalakihan at kababaihan ay naging biktima ng  pang-aabuso tulad ng panghahalay at pagpatay.

________5. Tinangap na ng lipunan na ang mga babae ay maaaring magtrabaho tulad ng mga lalaki.

II.                Isulat ang titik ng tamang sagot .

________1. Pinaniniwalaang pagmamay-ari ni Luis Perez Dasmarinas na naglalaman ng obserbasyon sa buhay at kultura ng mga Pilipino noon. Ano ito?

_______2. Ano ang tumutukoy sa kilos, gampanin at gawain na itinatakda ng lipunan sa babae at lalaki?

________3. Sino ang sumulat ng akdang The Position of Women in the Philippines?

________4. Ano ang tawag sa babae na hindi ipinapakita sa publiko hanggang sa siya ay magdalaga?

________5. Sino ang tinaguriang ama ng katipunan?

A.    Boxer Codex                   B.  Gender Role                 C. Emelina Ragaza Garcia D.Binukot                                 E. Jose Rizal                 F.      Andres Bonifacio

              V.     KASUNDUAN

       A. Magsagawa ng pananaliksik tungkol sa naging katatayuan/gampanin ng babae at lalaki sa iba’t ibang panahon sa iyong pamayanan. Alamin din kung paanong ang katayuan/gampaning ito ay nakaapekto sa pang-unlad ng pamayanan. Ibahagi sa klase ang ginawang pananaliksik.

 B.   Basahin at pag-aralan ang susunod na aralin: Kasaysayan ng LGBT sa Pilipinas.